أخبار وطنية مؤسس موقع طلاق.كوم يكشف
نشر في 28 أكتوبر 2022 (22:05)
كشف عزام سوالمية مؤسس موقع طلاق.كوم في تدوينة نشرها على حسابه الفايسبوكي انه قرر خدمة تعليق الموقع الى حد مراجعة كل النقاط الي تسببت في الضجة وحتى يعود بنسخة جديدة تخدم الهدف الاساسي من تأسيس الموقع دون مخالفة اي قانون.
ونشر مؤسس موقع طلاق.كوم التوضيح التالي:
أنا عزام سوالمية مؤسس موقع tala9.com
في الحقيقة ما كناش نتوقعو كل هذا التفاعل
بخصوص الموقع أما الي نعرفو أنو خدمنا كل شي بمقاييس أقل ما نجم نقول عليها عالمية
كيفاش بدات الفكرة ؛ لميت مجموعة من المختصين من خيرة ما جابت تونس ، الفريق هذا بكل بساطة عندو القدرة والخبرة باش يأسس مشروع بمقاييس محترمة في وقت قصير وبإمكانيات خاصة وهذا شنوا صار بالضبط في موقع طلاق الي نجم في ثلاثة ايام يوصل يحقق اكبر حملة إعلانية في تاريخ تونس.
اليوم ، قررنا أنا نعلقو موقع طلاق خاطر الرسالة او الهدف الحقيقي من الموقع هو وضع حل لمشكلة إرتفاع نسبة الطلاق في تونس من خلال توفير خبراء مختصين في العلاقات وتقديم الاستشارات وفي حالة فشل كل المحاولات لحل الخلاف نساعدوه وعمرو ما كان الهدف تسهيل أو تعويض المحامي .
بالنسبة لموقع طلاق باش يتم مراجعة كل النقاط الي تسببت في الضجة هذي ويرجع بنسخة جديدة تخدم الهدف الاساسي من تاسيس الموقع دون مخالفة اي قانون.
احنا اسسنا Hub لتحويل الأفكار لمشاريع يتكون من نفس المختصين هذم. والباب محلول لكل المستثمرين أو الخبراء باش يمولو ويشاركو في ال Hub هذا الي باش يخدم علي قائمة طويلة من الأفكار ويحاول يخرجها على أرض الواقع بمقاييس محترمة وطلاق ثالث وحدة من الأفكار هذي واليوم عنا مجموعة كبيرة من الافكار الي باش نخدمو عليها في السنين الي جاية.
انا اليوم نقللكم هذي كانت الحلقة الاولي ومزال عنا بارشة حلقات تبعوهم وكان تحبو ايجاو معانا.
اليوم بلادنا تتعدي بمرحلة اقتصادية صعيبة بارشة وانا مقتنع انو الحل باش يكون بيد الشباب هاكا علاش لازمنا نحطو اليد في اليد ونخدمو بلادنا كل واحد من بلاصتو عنا إمكانيات كبيرة باش نخلقو نجاح نقعدو نفتخرو بيه الناس لكل
